|
|
|
 |
Соопштенија за Јавност
|
|
|
03.11.2011 Посета на делегација на Уставниот суд на Република Србија во Врховниот суд на Република Македонија
|
|
На ден 3.11.2011 година, делегација на Уставниот суд на Република Србија предводена од Претседателот на судот д-р Драгиша Слијепчевиќ, гости на Уставниот суд на Република Македонија, остварија посета на Врховниот суд на Република Македонија.
На средбата се разговараше за организацијата и надлежноста на Врховниот суд на Република Македонија и другите судови во Република Македонија. Воедно, се разменија и искуства од работењето на Уставниот суд на Република Србија, по однос на примената на правното средство – уставна жалба, како и за работењето на Одделот за разумен рок при Врховниот суд на Република Македонија во примената на новиот правен лек – барање за повреда на правото на судење во разумен рок.
На крајот на средбата, присутните се согласија оваа средба да послужи како поттик за продолжување и продлабочување на соработката помеѓу судските инстанци на Република Македонија и Република Србија.
|
 |
|
|
26.10.2011 Посета на Амбасадорот на Соединетите Американски Држави на Врховниот суд на Република Македонија
|
|
На ден 26.10.2011 година, Амбасадорот на Соединетите Американски Држави г-динот Пол Волерс и други високи претставници од Амбасадата на Соединетите Американски Држави во Република Македонија, остварија протоколарна посета на Врховниот суд на Република Македонија.
На оваа прва протоколарна средба, Претседателот на Врховниот суд на Република Македонија Јово Вангеловски, го запозна Амбасадорот на Соединетите Американски Држави со текот на реформата на судскиот систем во Република Македонија, како и за идните потребни активности кои треба да се преземат за приближувањето на Република Македонија кон Европската Унија и НАТО интеграциите. Воедно, Претседателот се заблагодари за досегашката поддршка и помош која Соединетите Американски Држави ја даваат на Република Македонија преку проектите на УСАИД и програмата ОБДАТ.
Амбасадарот на Соединетите Американски Држави, упати благодарност до Претседателот на Врховниот суд на Република Македонија за остварување на средбата, со напомена дека Соединетите Американски Држави остануваат голем пријател на Република Македонија и дека добрата соработка и поддршка на текот на судската реформа и понатаму ќе продолжи и дека Соединетите Американски Држави сакаат да бидат дел од постигнатиот успех и напредок на македонското судство.
|
|
|
|
13.10.2011 Претставување на годишниот Извештај на Европската Комисија
|
|
На ден 13.10.2011 година, во Врховниот суд на Република Македонија, г-динот Роберт Лидл, Вршител на должност - Шеф на делегацијата на ЕУ во Република Македонија, официјално го претстави годишниот Извештај на Европската Комисија, за напредокот на Република Македонија кон членството во Европската Унија за 2011 година.
По завршување на средбата, Претседателот на Врховниот суд на Република Македонија Јово Вангеловски даде изјава, како и одговараше на дополнителни прашања поставени од присутните новинари, за поглавје 23 – Судство и човекови права од содржината на Извештајот.
|
|
|
|
03.05.2011 Проширена Општа седница
|
|
На 04.05.2011 година (среда) и 05.05.2011 година (четврток), со почеток во 10 часот, ќе се одржи проширена Општа седница на Врховниот суд на Република Македонија, на која ќе се разгледуваат Извештаите за работата на судовите во Република Македонија за 2010 година.
|
|
|
|
19.05.2010 Посета на Амбасадорот на Мисијата на ОБСЕ
|
|
На ден 19.05.2010 година, посета во Врховниот суд на Република Македонија оствари Амбасадорот на Мисијата на ОБСЕ во Република Македонија Jose Luis Herrero.
|
|
|
|
17.05.2010 Посета на Оценска експертска мисија
|
|
Врховниот суд на Република Македонија на 17.05.2010 година го посети Оценска експертска мисија во областа на правдата, слободата и безбедноста, во состав експертот Елизабета Роси, судија од Италија, претставник од Канцеларијата на делегацијата на Европската Комисија на Европската Унија и претставник од Министерството за правда. Цел на посетата беше оценка на состојбите со реформата на правосудството.
|
|
|
|
26.01.2010 Посета на експерт за имплементација на Проектот “ИПА 2007“
|
|
На ден 26.01.2010 година, посета во Врховниот суд на Република Македонија оствари експертот г-дин AlessandroSimoni, ангажиран во рамките на инпмлементација на Проектот „ИПА 2007“. При својата посета експертот беше придружуван од г-ѓата RalucaStefanuc, претставник на Делегацијата на Европската комисија на ЕУ во Република Македонија, Никола Прокопенко, помошник раководител на Секоторот правосудство во Министерството за правда и Тамара Витларова помлад соработник за техничка соработка на ИПА проектите – Одделение ИПА, во Министерството за правда. На состанокот од Врховниот суд на Република Македонија присуствуваа Јово Вангеловски – Претседател на Врховниот суд, судиите Фатон Пачуку и Мирјана Радевска Стефкова и Лидија Таневска Јадровска, државен советник во Кабинетот на Претседателот. Целта на посетата беше да се изврши анализа на мерките кои се превземени во рамките на Стратегијата за реформа во правосудниот систем, со цел подршка за изградба на независен, ефикасен и функционален правосуден систем заснован на меѓународните и европските правни стандарди, како и за следење на реализацијата на клучните приоритети во претпристапниот процес со идентификација на конкретните резултати од превземените мерки и утврдување на понатамошните чекори за развој на правосудниот систем во Република Македонија.
|
|
|
|
17.12.2009 Студиска посета на Европскиот суд за човекови права во Стразбург
|
|
Во период од 14.12. - 16.12.2009 година, делегација на Врховниот суд на Република Македонија, предводена од Претседателот на Врховниот суд на Република Македонија, судијата Јово Вангеловски, а во состав: Владимир Атанасов, Мирјана Радевска Стефкова, Беса Адеми, Абдуљаќим Саљиу судии на Врховниот суд и Соња Груевска -генерален секретар, оствари студиска посета на Европскиот суд за човекови права во Стразбург. Делегацијата оствари средба со Jean-Paul Costa, Претседател на Европскиот суд за човекови права. При посетата делегацијата размени искуства околу постапката за судење во разумен рок со судиите Мирјана Лазарова Трајковска, Судија при Европскиот суд за човекови права од Македонија, со Dragoljub Popović, Судија од Србија, со Sir Nicolas Bratza, Судија од Обединетото Кралство и со Françoise Tulkens, Судија од Белгија. Исто така, делегацијата оствари средби со преставници од Европскиот Комитет за превенција од тортура (КПТ), од Одделот за извршување пресуди при Судот, со преставници од Директоратот за човекови права и правни работи, од Одделението за правичен надомест, потоа Одделението за информации за случаи и публикации, Одделот за уставна правда, како и преставник од Секретаријатот за зголемен договор за демократија преку правото “Венецијанска Комисија”.
|
|
|
|
12.11.2009 Посета на делегација од Република Словачка
|
|
На ден 12.11.2009 година, посета во Врховниот суд на Република Македонија оствари делегација на Република Словачка во состав: г-ѓа Виера Петрикова, заменик Премиер и Министер за правда на Република Словачка и г-дин Стефан Харабин, Претседател на Врховниот суд на Република Словачка, со цел продлабочување на судската соработка и размена на искуства во спроведување на новите законски решенија на кривичната постапка.
|
|
|
|
02.11.2009 Посета на судија од Хашкиот трибунал
|
|
На ден 02.11.2009 година, по препорака на Генералниот секретар на организацијата на Обединетите Нации посета во Врховниот суд на Република Македонија оствари судијата на Хашкиот Трибунал Catherine Marchi-Uhel, со цел испитување на можностите за воспоставување на информативен центар во регионот во државите од поранешна Југославија за поширок и полесен пристап до поважните записи од водените постапки пред Хашкиот Трибунал.
|
|
|
|
|
|
|