СООПШТЕНИЕ

Судскиот совет на Република Северна Македонија известува дека на 419-та итна седница одржана на ден 08.11.2022 година одлучи за следното:

1. Донесена е Одлука за измена и дополнување на Одлука за формирана Комисија за увид и оцена на претседател на основен суд на апелационо подрачје Скопје, така што наместо Мелек Алија Елези-член на Комисијата (судија на Апелационен суд Скопје), за член на Комисијата се менува Лирие Елези Ајрулау, судија на Апелационен суд Скопје;
2. Донесени се Одлуки за престанок на судиска функција на судии поради исполнување на услови за старосна пензија за судија Станка Зафировска од Апелационен суд Скопје, судија Јагода Трпеска од Основен суд Охрид и судија Магдалена Балајска Ѓорѓиевска од Основен граѓански суд Скопје;
3. Донесена е Одлука за избор на судии поротници на Основен суд Крива Паланка;
4. Донесена е Одлука за мирување на судиската функција на Фатмир Скендер, судија на Апелационен суд Скопје, поради избор за судија на Уставен суд на РСМ.

Втората точка за разгледување на Извештај на Комисија за проверка на навременост на пријави и комплетност на документи по објавен оглас за избор на претседател на Апелационен суд Скопје е прекината.