Temë e takimit ishin ngjarjet në Këshillin gjyqësor të Republikës së Maqedonisë së Veriut, veçanërisht nga aspekti i zbatimit të Ligjit për Këshillin gjyqësor dhe miratimin e ndryshimeve të nevojshme të ligjit.

Në takimin e sotëm, u theksua se ngjarjet në Këshillin gjyqësor janë në kundërshtim me angazhimet për pavarësinë dhe reputacionin e gjyqësorit, formimin e besimit publik dhe rekomandimet në Raportin e Bashkimit Evropian dhe Departamentit të shtetit.  

„Një nga vendimet për përmirësimin e ngjarjeve në Këshillin gjyqësor është miratimi urgjent i ndryshimeve të Ligjit për Këshillin gjyqësor në pajtim me Strategjinë për reformat në sektorin e gjyqësorit. Ndryshimet ligjore duhet të jenë në drejtim të përparimit të pavarësisë dhe funksionimit të Këshillit gjyqësor si organ i gjyqësorit që duhet të sigurojë dhe garantojë pavarësinë dhe unitetin e pushtetit gjyqësor. Me ndryshimet duhet të kapërcehen të gjitha dobësitë e vendimit ligjor që krijuan probleme në zbatimin praktik dhe lanë hapësirë për interpretime të ndryshme. Në kuadër të grupit të punës për përgatitjen e Strategjisë së re paraprakisht u theksua nevoja për ndryshime urgjente ligjore dhe u theksuan problemet e krijuara në zbatimin e ligjit”, u tha në takim.  

Gjykata Supreme e Republikës së Maqedonisë së Veriut përmes Seancës së gjyqtarëve dhe Seancës së përgjithshme në Grupin e punës për Strategjinë e re, veç më, ka dorëzuar propozime për ndryshime urgjente ligjore dhe ka parashtruar edhe një Iniciativë në Gjykatën Kushtetuese me të cilën e konteston kushtetutshmërinë e dispozitave të Ligjit për Këshillin gjyqësor.