На работната средба се говореше за актуелните прашања од областа на судството, со посебен акцент на потребните реформи од законски и функционален аспект.

Претседателката Адеми истакна дека соработката со Мисијата на ОБСЕ во Скопје е од големо значење и дека активностите на Мисијата на ОБСЕ во Скопје имаат суштинска улога за прашањата кои се однесуваат на интегритетот и јавната доверба.

Амбасадорот Вал ја нагласи позитивната улога на Врховниот суд и активностите кои ги презема, а се во насока на унапредување на независноста и транспарентноста на судството, што е нотирано и во меѓународните извештаи.

Во таа смисла, на средбата беше потенцирано дека соработката помеѓу Врховниот суд на Република Северна Македонија и Мисијата на ОБСЕ во Скопје понатаму уште повеќе ќе се продлабочува како исклучителен придонес за владеењето на правото.