Со потпишувањето на овој Меморандум се зајакнува меѓусебната соработка и се олеснува автоматската размена на податоци во електронска форма помеѓу двете институции, со цел да се овозможи интеграција на АКМИС системот со информатичкиот систем на јавното претпријатие за подготовка на службеното гласило „Службен весник на Република Македонија“.

Претседателот на Врховниот суд на Република Македонија, Јово Вангеловски изрази задоволство од досегашната соработка со ЈП Службен весник на Република Македонија. При тоа, потенцираше дека соработката може да се продлабочува и во иднина со нови заеднички проекти кои би биле од корист за судовите, но и за стручната и пошироката јавност.