Во рамки на работната посета се дискутираше прашањето за надлежноста на апелационите судови да вршат посети на основните судови од своето апелационо подрачје во согласност со Судскиот деловник и за постапувањето на Апелациониот суд Штип во согласност со оваа надлежност.

Претседателот на Врховниот суд на Република Северна Македонија ја потенцираше важноста од остварувањето на оваа надлежност и обврска, бидејќи претставува можност за разгледување на прашања кои се однесуваат на тековните проблеми со кои се соочува посетениот суд, како и за други прашања кои се од значење за работата на тој суд.

Исто така, при работната посета се разгледаа и се дискутираа прашањата за унапредувањето на транспарентноста на судството, за зајакнувањето на статусот и положбата на судиите и за финансиската независност на судскиот систем.