Средбата во Врховниот суд се реализираше во рамки на студиската посета на делeгецијата, посветена на родовата рамноправност во правосудниот сектор.

Заменик-претседателот на Врховниот суд, Цветанка Периќ, во своето обраќање истакна дека средбата преставува одлична можност за воспоставување на соработка со Врховниот суд на Узбекистан.

Во таа насока, заменик-претседателот на Врховниот суд говореше за работата, положбата и надлежноста на Врховниот суд и се осврна кон прашањето за родовата рамноправност.

„Самиот факт дека во Врховниот суд има доминантен број носители на раководни позиции, како што се претседател на суд, заменик-претседател на суд, на оддели и на раководни места во администрацијата, покажува дека во Врховниот суд се надминати стереотипите дека носители на одлучувачките функции се мажи и дека нема не само законски, туку и нема и реални пречки жените да бидат поставени и на повисоки позиции“, истакна Периќ.

Санобар Мамадалиева, судија на Врховниот суд на Узбекистан, посочи дека за родовата рамноправност во судството во Узбекистан се реализираат повеќе активности за подобрување и унапредување на состојбата и дека една од позначајните заложби во таа насока е формирање на Здружение на жени-судии кои ќе ги промовира декларираните цели.

Мамадалиева подвлече дека искуствата за родовата рамноправност на Врховниот суд на Република Северна Македонија ќе бидат од голема корист и дека од исклучителна важност во иднина ќе биде меѓусебната соработка на двата врховни суда.