„Нашите заложби треба да бидат насочени кон воспоставување на законска, функционална и финансиска независност. Тоа подразбира целосна инклузивност на судиите во реформските процеси, континуирано зајакнување на професионалниот интегритет и воспоставување на самостоен судски буџет. Од голема важност е да се следат укажувањата на Европската Комисија и да се одлучува според стандардите на Европскиот суд за човековите права. Уверена сум дека судството има силен капацитет да одговори на сите предизвици“, истакна претседателката Адеми.