„Одбележувањето на Денот на правосудството претставува извонредна пригода да го истакнеме значењето на овој Ден како свечен датум кој симболично ги спојува традициите на судството и предизвиците пред кои тоа е исправено. Самостојното судство е историски стремеж, но и предизвик за современо и ефикасно судство кое ќе функционира во согласност со начелото на поделба на власта.Како судии мораме да се спротивставиме на сите влијанија кои имаат за цел да ја нарушат самостојноста. Загрозувањето на независноста на судството е загрозување на темелните вредности на државата. Со тоа се доведува во прашање постоењето на правната држава како услов за егзистирање на демократските вредности“, истакна Адеми во своето обраќање.