Претседателката на Врховниот суд, Беса Адеми, на денешниот настан истакна дека Врховниот суд и Коалицијата „Сите за правично судење“ имаат заеднички заложби кои се од интерес за граѓаните и за враќањето на довербата во правосудството.

Адеми додаде дека за Врховниот суд соработката со Коалицијата „Сите за правично судење“ има извонредно значење и дека во следниот период взаемната соработка ќе се интензивира преку заеднички активности за унапредување на правосудниот систем.

Меморандумот за соработка ја одразува волјата и подготвеноста на двете страни потписнички да соработуваат во полето на владеење на правото, правната држава, зајакнување на капацитетите на судството, почитување на стандардите за фер и правично судење како и за унапредување на судската независност.