Në Seancën e gjyqtarëve u shqyrtuan disa çështje, të cilat janë të rëndësishme për funksionimin e Gjykatës në pjesën e punës të sektorëve dhe sporteleve gjyqësore, zbatimin e akteve interne dhe procedurat e brendshme dhe planin e realizuar për pajisjen e re teknike në përputhje me standardet për mbrojtjen e të dhënave personale, informacioneve të klasifikuara dhe materialit arkivor. 

Kryetarja e Gjykatës Supreme të Republikës së Maqedonisë së Veriut, Besa Ademi, në Seancën e gjyqtarëve theksoi se, Gjykata Supreme vazhdon me organizimin e takimeve me katër gjykatat e apelit në lidhje me unifikimin dhe përparimin e praktikës gjyqësore si një nga aktivitetet dhe angazhimet kryesore të Gjykatës Supreme në përputhje me kompetencat kushtetuese dhe ligjore.

Intensivi i takimeve me katër gjykatat e apelit, do të fillojë me takimin që do të realizohet në fillim të muajit qershor dhe do të vazhdojë gjatë tërë vitit. Çështja për unifikimin e praktikës gjyqësore është një nga temat që diskutohen edhe gjatë vizitave të rregullta të kryetares së Gjykatës Supreme në gjykatat më të ulëta nga të gjitha rajonet e apelit të vendit.