Njoftim nga Seanca e përgjithshme, e mbajtur e Gjykatës supreme të Republikës së Maqedonisë së Veriut
ActionsLajm
- Shtëpi
- >
- Lajm
Njoftim nga Seanca e përgjithshme, e mbajtur e Gjykatës supreme të Republikës së Maqedonisë së Veriut
RENDI I DITËS
1. Aprovimi i Vlerësimeve dhe konkluzioneve të raporteve të punës së gjykatave në Republikën e Maqedonisë së Veriut, për vitin 2020 (propozim).
2. Shqyrtimi i propozimit të mendimit juridik parimor “Në kontestet e përgjegjësisë civile për fyerje dhe shpifje kur është theksuar edhe kërkesa në para dhe jo në para, lejueshmëria e revizionit do të vlerësohet sipas vlerës së caktuar të objektit kontestues për çdo kërkesë të veçantë, në përputhje me nenin 372 paragrafi 2 të Ligjit për procedurë kontestimore. (e prolonguar nga data 17.05.2021)
3. Shqyrtimi i njoftimit me rastin e kërkesës për dhënien e mendimit juridik, të parashtruar nga avokatja Ana Petrovski nga Shkupi.
4. Shqyrtimi i referatit me shkresë me shkrim, për mendim juridik parimor përmes Këshillit gjyqësor të Republikës së Maqedonisë së Veriut, të parashtruar nga Ministria е bujqësisë, pylltarisë dhe ekonomisë së ujërave, Sektori i policisë së pyjeve.
5. Dhënia e mendimit për propozim Ligj për avokaturë, të dorëzuar nga Ministria e drejtësisë.
6. Shqyrtimi i njoftimit me rastin e kërkesës për mendim juridik parimor, të parashtruar nga Elizabeta Dimitrievska nga f. Staro Sellë, komuna e Jegunovcit
7. Shqyrtimi i referatit me rastin e iniciativës së parashtruar nga ana e Republikës së Maqedonisë së Veriut, Këshilli i buxhetit gjyqësor Shkup, për të cilin ka diskutuar Sektori i veprave civile.
8. Shqyrtimi i njoftimit me rastin e kërkesës për unifikimin e praktikës gjyqësore, të parashtruar nga Lidija Apostollova nga Shkupi.
9. Dhënia e mendimit për propozim Ligj për përgjegjësinë civile për fyerje dhe shpifje, të parashtruar nga Ministria e drejtësisë.
Seanca e përgjithshme:
- Lidhur me pikën e parë të rendit të ditës i aprovoi Vlerësimet dhe konkluzionet e raporteve të punës së gjykatave në Republikën e Maqedonisë së Veriut, për vitin 2020 dhe të njëjtat do të publikohen në faqen zyrtare të Gjykatës supreme të Republikës së Maqedonisë së Veriut;
- Lidhur me pikën e dytë të rendit të ditës miratoi mendim juridik parimor, i cili do të publikohet në faqen zyrtare të Gjykatës supreme të Republikës së Maqedonisë së Veriut;
- Lidhur me pikën e tretë dhe të katërt të rendit të ditës nxori konkluzion se nuk ka praktikë gjyqësore të jo unifikuar dhe nuk ka bazë që Seanca e përgjithshme të veprojë për kërkesën;
- Lidhur me pikën e pestë të rendit të ditës dha shënime për propozim ligjin, të cilat do t’i dorëzohen Ministrisë së drejtësisë.
- Lidhur me pikën e gjashtë dhe të tetë të rendit të ditës nxori konkluzion se iniciativa hidhet poshtë, për shkak se nuk është parashtruar nga subjekt i autorizuar.
- Lidhur me pikën e shtatë të rendit të ditës nxori konkluzion se nuk nevojitet që të miratohet mendim juridik parimor për çështjet e parashtruara.
- Lidhur me pikën e nëntë të rendit të ditës dha mendim pozitiv për propozim ligjin.